ചതുരത്തില്‍ ഒരു പെട്ടി,
അതില്‍ എന്തൊക്കെയോ ചലിക്കുന്നു;
അതിനടുത്ത് കുറെ പെട്ടികള്‍;
ഇതായിരുന്നു കമ്പ്യൂട്ടര്‍ ശൈശവത്തില്‍.
.
.
ബാല്യത്തില്‍ കഥ മാറി,
കളിക്കാനും പഠിക്കാനും പഠിച്ചു;
കമ്പ്യൂട്ടര്‍ പ്രിയകൂട്ടുകാരന്‍ ആയി.
.
.
.
കൌമാരത്തില്‍ കമ്പ്യൂട്ടര്‍ സമയംകൊല്ലിയായി;
അത് ലോകം മുഴുവന്‍ നീളുന്ന വല വീശി.
സൌഹൃദം പ്രണയമായ് പിന്നീട് കറുത്ത കാമവും.
കുമാരന്മാര്‍ വലയില്‍ പിടഞ്ഞു..
കുമാരിമാരുടെ ശ്വാസം നിലച്ചു..
വായന മരിച്ചു..വിജ്ഞാനം തളര്‍ന്നു..
അവരുടെ മനസ്സിലെ വിളക്കണഞ്ഞു..
വെട്ടം നിലച്ചു..വിഷാദം പുഷ്ടിച്ചു..
വലയുടെ കണ്ണികളുടെ ഒരുറപ്പേ!!!!
.
.
.
യുവത്വം കമ്പ്യൂട്ടര്‍ സ്ക്രീനില്‍ തന്നെ..
അത് അവരെ ധനികരാക്കി..
വീടും കുടുംബവും സമാധനവുമല്ല,
ധനമാണ് ഏറ്റവും വലിയ സ്വത്ത്..
കമ്പ്യൂട്ടര്‍ അവരെ പോറ്റി..
ഇതിനിടയില്‍ അവര്‍ സ്നേഹം മറന്നു..
പാടാനും ഉണ്ണാനും ഉറങ്ങാനും മറന്നു..
.
.
.
ഒടുക്കം കമ്പ്യൂട്ടര്‍ തന്നെ ശവപ്പെട്ടിയായി..
അന്ത്യാഭിലാഷം..
എന്നെ ഒരു സീപീയൂവില്‍ അടക്കണം;
സുഖനിദ്ര..ശാന്തനിദ്ര..
No comments:
Post a Comment