പ്രഭോ,
ഇനി വയ്യ നടക്കാന്
എന്റെ പാദമിടറുന്നു
എന്റെ മേനി തളരുന്നു..
ഒരു മാത്ര ഞാനൊന്നു വിശ്രമിച്ചോട്ടെ??
കുടനീര്ത്തി നില്ക്കുമീ ആലിന്റെ ചോട്ടില്
ഒരുവേള ഞാനൊന്നു കണ്ണടച്ചോട്ടെ...
ഇവിടെ വന്നെത്തുന്ന കാറ്റിന്റെ തേരില്
പിറകോട്ടു ഞാനൊന്നു യാത്ര ചെയ്തോട്ടേ
തിറകെട്ടിയാടുന്ന കരിയാത്തനൊപ്പം
പുലരുവോളം ഞാന് മദ്യപിച്ചോട്ടെ??
ഇവിടെയീ മദിരയില് കൊടുചുഴിയിലൊന്നില്
ഒറ്റയ്ക്ക് ഞാനൊന്നു മുങ്ങിനൂര്ന്നോട്ടെ
രാത്രിയിലാര്ക്കുന്ന പ്രേതഭൂതങ്ങള് തന്
ദംഷ്ട്രയില് രക്തമായ് പറ്റിനിന്നോട്ടെ
സര്വ്വം വിഴുങ്ങുന്നോരന്ധകാരത്തിന്
പിളരുന്ന വായില് ഭോജ്യമായ്ക്കോട്ടേ...
ഇനിയിവിടെ ഏകനായ് വീണുറങ്ങട്ടെ...
ഇനിവയ്യ യാത്ര എനിക്കിനി വയ്യ....
ഇവിടെ ഈ ആല്ത്തറയില് ഞാനുറങ്ങട്ടെ....
------------------------------
-Syam Niravilpuzha...
smnamboodiri@gmail.com