ഇവനായിരിക്കും
ഭാരതീയര്‍ക്കു ഏറ്റവും പ്രിയപ്പെട്ടവന്‍..
ഇവനായിരിക്കും
തരുണീമണികളുടെ സ്വപ്നകാമുകന്‍...
ഇവനായിരിക്കും
കുട്ടികളുടെ പ്രിയ കൂട്ടുകാരന്‍...
ഇവനായിരിക്കും
ആയിരം അമ്മമാരുടെ മാനസപുത്രന്‍...
ഇവനായിരിക്കും
ലോകം കണ്ട ഏറ്റവും മികച്ച തത്വചിന്തകന്‍...
ഇവനായിരിക്കും
ഏറ്റവും മഹാനായ ഉപദേഷ്ടാവ്...
ഇവന്‍റെ നാമമാവും ഏറെ
ഭാരതീയരുടെ ചിത്തിലും ഹൃത്തിലും തത്തിക്കളിക്കുന്നത്..
ഇവന്‍റെ കഥ കേട്ടാവും
ഒരുപാട് കുരുന്നുകള്‍ അന്തിയുറങ്ങുന്നത്..
ഇവന്‍റെ കീര്‍ത്തനങ്ങളാവും
ഏറ്റവും ഇമ്പത്തില്‍ മുഴങ്ങുന്നത്...
ഇവന്‍റെ ഗീതോപദേശമാവും
ഒരുപക്ഷെ എക്കാലത്തെയും മികച്ച യുദ്ധതന്ത്രം...
ഇവന്‍റെ സാരഥ്യം ആയിരിക്കും
ധര്‍മ്മയുദ്ധത്തില്‍ പാണ്ഡവവിജയഹേതു...
ഇവന്‍റെ യാത്രയായിരിക്കും
ഏറ്റവും വലിയ വിരഹിണിയായി രാധയെ മാറ്റിയത്...
ഇവന്‍റെ സ്വര്‍ഗാരോഹണത്തോളം
മാലോകരെ കരയിച്ച മറ്റൊരും ദുഃഖം കാണില്ല..
ഇവന്‍ ഇഹലോകജീവിതം അവസാനിപ്പിച്ചിരുന്നോ???
പിന്നെ ഗുരുവായൂരില്‍ ഞാന്‍ കണ്ടത്???
കിഴക്കേനടയില്‍ എന്‍റെ വിരല്‍തുമ്പു പിടിച്ചു നടന്നത്...
വടക്ക് കുളത്തില്‍ എന്‍റെ മേനിയില്‍ വെള്ളം തേവിയത്...
എന്‍റെ കൃഷ്ണാ നീ തന്നെ തീര്‍ത്ത്‌ തരൂ എന്‍റെ സംശയം...
No comments:
Post a Comment